Það var að venju glatt á hjalla þegar kvenfélagskonur komu saman til aðalfundar. Lilla á Hallgilsstöðum var sæmd sem heiðursfélagi kvenfélagsins og ný stjórn tók til starfa.

Elfa Benediktsdóttir hætti sem formaður og stjórnarmaður, ásamt Lillu. Sólveig kom ný inn í stjórn sem gjaldkeri og Laufey sem formaður, Vilborg verður áfram ritari. Kosið var í nefndir fyrir komandi sumar og vetrarstarf, ýmis mál rædd og slegið á létta strengi. Einnig var Gréta Bergrún tilnefnd sem sérstakur fjölmiðlafulltrúi kvenfélagsins, enda ekki annað hægt fyrir jafn skemmtilegt félag en að hafa einn slíkan við hendina.

 Það fór vel á með elstu og yngstu kvenfélagskonunum, enda ekkert kynslóðabil í kvenfélaginu.

 Í lok fundar var brugðið á leik, inn og út um gluggann...

Fleiri myndir má sjá í myndasafni, frá vetrarstarfi kvenfélagsins.

Virðingarfyllst
Gréta Bergrún, fjölmiðlafulltrúi Kvenfélags Þistilfjarðar