Gærdagurinn var bæði skemmtilegur og fróðlegur. Við fórum í heimsókn í skólann í Lundi þar sem Guðmundur Örn tók á móti okkur og sýndi okkur smíðastofuna. Síðan fór hann með okkur í skógarlund þar sem hann fræddi okkur um tré og annan gróður. Við hjuggum tvö tré og bútuðum þau niður og ætlum að vinna úr þeim í vetur, við söfnuðum köngulum, laufblöðum og ýmsu fleira. Eftir hádegismat unnum við í smíðastofunni alveg fram að kaffi. Eftir það fórum við í sláturhúsið á Kópaskeri þar sem Sigurður Sigurðarson dýralæknir tók á móti okkur og fræddi um sjúkdóma í kindum og ýmislegt fleira.

Myndir úr ferðinni birtast fljótlega á heimasíðunni.